Atyraý oblysynda belgisiz indetten qoılar qyryldy

ATYRAÝ. QazAqparat - Atyraý oblysy Súıindik aýylyndaǵy eki myń qoıdyń belgisiz sebeptermen qyrylyp qalǵany jaıly sharýa qojalyǵynyń basshysy aıtyp berdi, dep habarlaıdy QazAqparat.

«Sáýir aıynan bastap 10 myń bas otarymyzdaǵy Edilbaı tuqymdy qoılar qyryla bastady. Bir aptadan soń kúnine 30 qoıdan ólip jatyr. Biz birden aýdandyq veterınarlardyń kómegine júgindik. Aýrý jáne ólgen qoılardy teksergen mal dárigerleri bul sheshek degen boljam jasady. Sharýashylyq dereý óz qarajatyna Reseıdiń Samara jáne Astrahan qalalarynan qajetti vaktsınalardy alǵyzdy. Vaktsınatsııalaý jasaldy. Alaıda maldyń qyrylýy áli toqtar emes. Kerisinshe arta tústi. Búgingi tańda 2 100 bas qoı qyryldy», - dedi Atyraý oblysy Qurmanǵazy aýdanyndaǵy «Súıindik» sharýa qojalyǵynyń basshysy Baýyrjan Isaqulov.

Ólgen maldan alynǵan synama saraptama jasatý úshin Nur-Sultan qalasyna jiberilgen. Elordalyq mamandar «qoı sheshegi» dıagnozyn joqqa shyǵardy.

«Alaıda zerthanadaǵylar qoılardyń qyrylýyna sebep bolǵan indetti dóp basyp aıta almady. Sondyqtan memleket tarapynan ótemaqy ala almaı otyrmyz. Sharýashylyq 60 mıllıon teńgeden astam shyǵynǵa ushyrady», - deıdi Baýyrjan Isaqulov.

Avtory A. Sokolov