Atyraý oblysynda bekire ósirý zaýyttary jańǵyrtylady

ASTANA. QazAqparat – Atyraý oblysynda bekire ósirý zaýyttaryn jańǵyrtýǵa qatysty ınvestıtsııalyq usynystar ázirlenedi. Bul týraly Parlament Májilisindegi Úkimet saǵatynda QR Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy QazAqparat tilshisi.

«Jyl saıyn tabıǵı sý qoımalarynda balyq resýrstaryn saqtaý jáne kóbeıtý boıynsha sharalar qabyldanyp jatyr. Sonymen qatar, memlekettik balyq ósirý kásiporyndary jyl saıyn balyq shabaqtarynyń ósimin qamtamasyz etedi. Biraq olardyń óndiristik bazasy tozǵan, jańǵyrtý júrgizýdi qajet etedi», - dedi S. Brekeshev.

Osy oraıda ol Prezıdent bul máseleni kóterip, Atyraýdaǵy eki bekire balyq ósirý zaýytyn rekonstrýktsııalaýdy jáne jańǵyrtýdy tapsyrǵanyn aıtty.

«Biz ınvestıtsııalyq usynystardy ázirlep, Ulttyq ekonomıka mınıstrliginiń qaraýyna engizetin bolamyz», - dedi mınıstr.

Budan buryn habarlanǵandaı, Atyraý oblysynda bekire balyǵyn ósiretin jáne qara ýyldyryq óndiretin 8 kásiporyn ashý josparlanyp otyr.

«Eń aldymen, bekire tuqymdas balyqtyń sanyn kóbeıtýge basa mán bergen jón. Álemdik naryqta oǵan suranys óte joǵary. Bıyl Jaıyqqa 8,5 mıllıon shabaq jiberildi. Bul jumysty jalǵastyrý qajet. Memleket qaramaǵynda bekire ósiretin eki zaýyt bar. Osy kásiporyndardyń tozyǵy jetip, qural-jabdyǵy ábden eskirgen. Zaýyttardy zaman talabyna saı etip jańǵyrtý kerek», - dedi Memleket basshysy Qasym-Jomart Toqaev Atyraý oblysyna sapary kezinde.

Foto:api.bashinform.ru