Atyraý oblysynda bastaýysh synyp oqýshylaryn ystyq tamaqpen qamtýǵa 6,6 mln teńge bólingen
Oblystyq bilim basqarmasy baspasóz qyzmetiniń málimetine súıensek, bıylǵy oqý jylynda bastaýysh synyptarda shamamen 58 900 oqýshy oqıdy dep josparlanyp otyr.
«Bastaýyshtaǵy 1-4-synyptardyń oqýshylaryn tegin ystyq tamaqpen qamtamasyz etý úshin jergilikti bıýdjetten 6 mln 621 myń 400 teńge qarjy bólindi. Ystyq tamaqpen bastaýysh synyptardaǵy barlyq oqýshy qamtylatyn bolady. Oqýshylardyń sany qyrkúıek aıynda naqtylanady», -dep málim etti basqarmanyń baspasóz qyzmetinen.
Oblys ákimi Serik Shápkenovtiń málimetinshe, 1-4-synyp oqýshylaryn ystyq tamaqpen qamtý máselesi tolyq sheshimin tapqan. Sondaı-aq, áleýmettik turmysy tómen otbasylardyń 5-11-synyptarda oqıtyn balalary da tegin ystyq tamaqpen qamtý josparlanǵan.
Eske sala ketelik, budan buryn Atyraýda oqýshylardy tasymaldaıtyn 23 avtobýs satyp alýǵa 1,1 mlrd teńge bólingenin habarlaǵan bolatynbyz.
«Ótken jyly oqýshylardy 49 avtokólik tegin tasymaldady. Endi bıylǵy jańa oqý jylynda 60 eldi mekendegi 4 561 oqýshyny mektepke tasymaldaý josparlanyp otyr. Buǵan qosymsha 23 avtobýs satyp alý úshin 1,1 mlrd teńge bólindi. Kólikter qyrkúıek aıynda oqýshylardy tasymaldaýdy bastaıdy. Oqýlyq jáne oqý-ádistemelik keshendermen qamtý úshin 1 676 370,0 myń teńge qaraldy», - deıdi Serik Shápkenov.