Atyraý oblysynda avtobýs túgi qalmaı janyp ketti
Oqıǵa búgin, 13 maýsymda bolǵan. Órt vıdeosy Іnstagram áleýmettik jelisinde tarady.
Bul derekti rastaǵan oblystyq tótenshe jaǵdaılar deparatmenti qoǵammen baılanys tobynyń málimetinshe, avtobýstyń janyp jatqany týraly jergilikti ýaqytpen saǵat 10:17-de habar túsken.
«Maqat aýdanyndaǵy Dossor kentinen Qulsary qalasyna qatynaıtyn tasjoldyń 27-shaqyrymynda avtobýs órtendi. «Yutong» avtobýsy zaýyttan 2018 jyly shyǵarylǵan. Kólik Jylyoı aýdanynyń ortalyǵy Qulsary qalasyna baǵyt alǵan. Órtti sóndirýge «Semser Órt Sóndirýshi» JShS-niń 4 qyzmetkeri men 1 arnaıy tehnıkasy tartyldy. Órt saldarynan avtobýs tolyǵymen janyp ketti. Jalyn saǵat 11:04-te tolyq sóndirildi», - dep habarlady departamenttiń qoǵammen baılanys toby.
Adamdar aman. Qazir avtobýstyń neden órtengeni anyqtalyp jatyr.
«Avtokólik júrgizýshilerinen órt qaýipsizdigi erejelerin qatań saqtaýdy suraımyz. Kóliktegi aqaý órtke, ne jol apatyna sebep bolýy múmkin ekenin esten shyǵarmaý qajet», - dep málim etti departamenttiń qoǵammen baılanys tobynan.
Eske sala ketelik, budan buryn Atyraýda emhana janynda 2 kólik túgi qalmaı janyp ketkenin jazǵan edik. Oqıǵa M. Baımuhanov kóshesinde ornalasqan №3 qalalyq emhana mańynda boldy. Órtenip ketken «Toyota Hiace» jáne «Honda Elysion» avtokólikteri saqtandyrý kompanııasyna tıesili ekeni anyqtaldy.