Atyraý oblysynda aýyl turǵyny úıindegi sheberhanasynda aıaqkıim tigedi

ATYRAÝ. QazAqparat – Atyraý oblysynda aýyl turǵyny úıindegi sheberhanasynda aıaqkıim tigedi, dep habarlaıdy QazAqparat tilshisi.

Mahambet aýdanynyń Alǵa aýylynda turatyn Janargúl Amanǵalıeva bala kúninen tigin tigedi. Endi ol bala kúngi hobbıin kásipke aınaldyrǵan.

«Tigin tigý isin anamnan úırengen edim. Qolymnan ıne-jip túsken emes. Bastarqyda aıaqkıim tigýmen tek hobbı retinde aınalysyp, aǵaıyn-týmanyń tapsyrysyn oryndap júrdim. Keıinnen ony kásipke aınaldyrý úshin memleketten qaıtarymsyz grant alýǵa bekindim. Aýdandyq jumyspen qamtý ortalyǵynyń mamandarynan, «Atameken» UKP-nyń óńirlik fılıalynan keńes alyp, bıznes-jospar jasadym. Sodan soń 2021-2025 jyldarǵa arnalǵan kásipkerlikti damytý jónindegi ulttyq joba aıasynda 1 mln 380 myń teńge kólemindegi qaıtarymsyz qarjyǵa qol jetkizdim. Tigin máshınkesin, ózge de sekildi qural-jabdyqtardy satyp alyp, úıden shaǵyn sheberhana ashtym», -deıdi Janargúl Amanǵalıeva.

Ol aıaqkıimniń sapaly bolǵanyn qalaıdy. Sol sebepten, sapaly jipti Iran men Túrkııadan tapsyryspen aldyrady.

«Kelinim de – ózim sekildi qolónerge jaqyn jan. Úıden kórpe tigip, oıý oıady. Onyń bárin tapsyryspen jasaıdy. Ózim bir kúnde 2-3 jup aıaqkıim daıyndaımyn. Baǵasy – 5 myń teńge. Endi balalarǵa arnalǵan jáne jabyq úlgidegi aıaqkıimderdi toqýǵa kóshemin», -deıdi Janargúl Amanǵalıeva.

Onyń aıtýynsha, aıaqkıimniń bazar men dúkende satylatyn túrlerinen birneshe ereksheligi bar. Birinshiden, aıaqty terletpeıdi. Ekinshiden, ıis shyǵarmaıdy. Úshinshiden, bul aıaqkıim jýǵan soń óńin buzbaıdy.

Eske sala ketelik, budan burynQulsary qalasynda jas kásipker kir sabyn óndirisin qolǵa alǵanyn jazǵan edik.

Foto: Mahambet aýdandyq ákimdigi