Atyraý oblysynda asyl tuqymdy sıyrlar qyrylyp jatyr

ATYRAÝ. QazAqparat - Atyraý oblysyna qarasty Mahambet aýdanynyń «Pervomaıskıı» JShS-da iri qara mal jappaı qyrylyp jatyr, dep habarlaıdy «QazAqparat» HAA tilshisi. 

«2018 jyldyń qyrkúıeginde Mahambet aýdanyndaǵy sharýa qojalyqtarynyń birindegi iri qara maldan belgisiz aýrýdyń belgileri anyqtalǵan. Osyǵan baılanysty maldan bıologııalyq synama alynyp, zertteý úshin Astana qalasyndaǵy «Veterınarııa boıynsha ulttyq referent ortalyǵy» men Almatydaǵy Ǵylymı-zertteý veterınarlyq ınstıtýtyna jiberilgen.

Mamandardyń jasaǵan qorytyndysy boıynsha, janýarlardan erekshe qaýipti ınfektsııalyq aýrý tabylǵan joq. Atyraý oblystyq veterınarlyq zerthanasynyń saraptamasyna sáıkes, syrtqy belgilerine baılanysty zat almasý protsesiniń buzylýy anyqtalǵan, janýarlar sol sebepti azyq jemegen.

Jaǵdaıy nasharlaı túsken iri qara malǵa kaltsıı borglıýkonatynyń 40 paıyzdyq eritindisi, glıýkozanyń 40 paıyzdyq eritindisi eki ret egildi. Olarǵa beretin azyqtyń quramy ózgertilip, profılaktıkalyq is-sharalar kúsheıtilgen, búginde janýarlardyń jaǵdaıy turaqty.

Sharýashylyqta 1 myńnan astam iri qara bar, 178-i aýrýǵa shaldyqqan, sonyń 97-si soıyldy.

Mamandardyń qorytyndysy boıynsha, aýyrǵan sıyrlardyń eti tamaqqa paıdalaný úshin qaýipsiz», - dep aqparattandyrdy Atraý oblysy ákiminiń baspasóz qyzmetinen.

Qazirgi kezde sharýashylyqtyń barlyq ónimderi dúken sórelerinen alynǵan.