Atyraý oblysynda apatty jaǵdaıdaǵy 90 munaı-gaz uńǵymasy bar
«Atyraý oblysynda apatty jaǵdaıdaǵy 90 munaı-gaz uńǵymasy tirkeldi. Onyń ishinde 2016 jyly memlekettik qorda turǵan Saryshaǵyl munaı uńǵymasy joıyldy, 2017 jyly Proryva munaı uńǵymasyn joıý úshin jobalyq-smetalyq qujattama ázirlendi. QR Energetıka mınıstrligi jer qoınaýyn paıdalanýshylardyń balansynda turǵan 14 uńǵyma boıynsha jumys júrgizýde», - dep málim etti QazAqparatqa oblys ákimdiginiń baspasóz qyzmetinen.
Osydan ondaǵan jyl buryn burǵylanǵan qaýipti uńǵymalardyń bir bóligi Kaspıı teńiziniń sý basqan aımaǵynda jatyr.
«Buǵan qosa, óńirdegi sýy ózdiginen aǵyp shyǵatyn 180 uńǵymanyń 123-in joıý usynylǵan. Aǵymdaǵy jyly QR Investıtsııalar jáne damý mınıstrliginen QR Qarjy mınıstrligine qaraýsyz qalǵan 60 uńǵymany joıý boıynsha jobalyq-smetalyq qujattamany ázirleý úshin bıýdjettik ótinim usynylatyn bolady», - dep málim etti oblys ákimdiginiń baspasóz qyzmetinen.