Atyraý oblysynda 85 adam koronavırýsqa shaldyqty
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, qaýipti indetke shaldyqqan naýqastardyń deni – 58 jumysshy Teńiz kenishinde anyqtalyp otyr. Al Atyraý qalasynda 15 adam koronavırýs ınfektsısyn juqtyrǵan. Sondaı-aq, Jylyoı aýdanynda – 4, Qyzylqoǵada – 3, Qurmanǵazyda –3, Mahambet aýdanynda 2 adamnan qaýipti vırýs tabylǵan.
«Sońǵy málimetke sáıkes, qazir 231 adam úı jaǵdaıynda emdelip jatyr. Oblystyq ınfektsııalyq statsıonarda 100, aýdandardaǵy statsıonarlarda 43, Teńiz ken ornyndaǵy statsıonarda 806 adam em qabyldaýdy jalǵastyrýda», - dep habarlady basqarmanyń baspasóz qyzmetinen.
Ótken táýlikte koronavırýstan 125 adam saýyǵyp shyqqan.
Eske sala ketelik, budan buryn Atyraý oblysynda sońǵy táýlikte 73 adam koronavırýs juqtyrǵan bolatyn.