Atyraý oblysynda 8 naýryzǵa arnalǵan merekelik is-shara ótpeıdi

ATYRAÝ. QazAqparat – Atyraýda oblysynda 8 naýryz –halyqaralyq áıelder kúnine arnalǵan merekelik is-shara ótkizilmeıtin boldy. Bul týraly oblys ákimi Mahambet Dosmuhambetov Faceebok-tegi paraqshasynda jazdy, dep habarlaıdy QazAqparat.

«Qurmetti jerlester! Koronavırýs ınfektsııasy qazirgi kezde álemniń kóptegen eline tarady. Barlyq memleketter qaýipti vırýsqa qatysty aldyn alý is-sharalaryn kún saıyn kúsheıtip jatyr.

Elimizde atalǵan ınfektsııa tirkelgen joq. Alaıda, «saqtyqta qorlyq joq» degen uǵymdy ustanǵan halyqpyz. Sondyqtan, Qazaqstanda da respýblıkalyq deńgeıde saqtyq kúsheıtildi.

Biz de qaýipsizdik maqsatymen oblysymyzda 8 naýryz – Halyqaralyq áıelder kúnine arnalǵan merekelik is-sharalardy ótkizbeý týraly sheshimge keldik.

Sizderdiń buǵan túsinistikpen qaraıtyndaryńyzǵa senemin», -dep jazdy ákim óz paraqshasynda.