Atyraý oblysynda 8 726 adamǵa 554,7 mln teńge ataýly áleýmettik kómek taǵaıyndaldy
Oblyystyq jumyspen qamtýdy úılestirý jáne áleýmettik baǵdarlamalar basqarmasynyń baspasóz qyzmetinen málim etkendeı, ataýly áleýmettik kómekti 1 575 otbasy músheleri
alady.
«Onyń ishinde 1 308 otbasyndaǵy 7 519 adamǵa shartty aqshalaı kómek, 305 otbasynda turatyn 1 403 adamǵa shartsyz aqshalaı kómek taǵaıyndalyp otyr. Ataýly áleýmettik kómektiń shartty aqshalaı kómek túrin alýshylardyń ishinde eńbekke qabilettileriniń sany 2423 adamdy quraıdy. Mundaǵy 119-y táýelsiz qyzmetkerler, al, 1 232 adamda júginý kezinde jumysy bolǵan. Sondaı-aq, 387 adam jumyspen qamtý ortalyǵynda jumyssyz
retinde tirkelgen bolsa, 685-i bala kútimimen otyr. 387 adamnyń 99,5 paıyzy jumyspen qamtý sharalaryna tartyldy. Naqtylaı aıtqanda, 48-i turaqty jumysqa, 315-i
qoǵamdyq jumysqa, 9-y áleýmettik jumysqa, 12-i kásibı qaıta daıarlaýǵa, 1-ýi jastar tájirıbesine jiberildi», -dep habarlady basqarmanyń baspasóz qyzmeti.
Ataýly áleýmettik kómek otbasylar qataryndaǵy 1 jastan 6 jasqa deıingi 1 918 balaǵa 94,4 mln teńgeniń kepildendirilgen áleýmettik toptamasy berilgen.
Eske sala ketelik, buǵan deıin Atyraý oblysynda úsh kásiporyn jalaqy tóleı almaı otyrǵanyn habarlaǵan bolatynbyz.