Atyraý oblysynda 6 798 adam jumyssyz retinde tirkelgen
Oblystyq jumyspen qamtýdy úılestirý jáne áleýmettik baǵdaolamalar basqarmasy baspasóz qyzmetiniń málimetinshe, byltyr 25 720 jumys oryndary ashylǵan.
Onyń ishinde 14 468 turaqty jumys orny bar. Al, ýaqytsha jumys orny – 11 252.
«Byltyr «Eńbek» memlekettik baǵdarlamasynyń baǵyttarymen 33 098 adam qamtylyp, bólingen qarajattar tolyǵymen ıgerildi. Baǵdarlamanyń birinshi baǵyty boıynsha 1 513 adam qysqa merzimdi kýrstarǵa oqýǵa jiberildi. Kásipke baýlıtyn oqytý kýrsyn 1 393 adam bitirdi. Al, 856 adam jumysqa ornalasty. Budan bólek 128 adam memlekettik grant alyp, óz kásibin ashty. Ekinshi baǵyt sheńberinde «Bastaý-Bıznes» jobasymen kásipkerlik negizderine oqýǵa 1 128 adam jiberilip, onyń 1 071-i oqýyn aıaqtady. Sondaı-aq, 265 adamǵa 1 416,4 mln teńge kóleminde nesıe berildi. Jańa bıznes-ıdeıasyn iske asyrýǵa 670 adam memlekettik grant aldy. Úshinshi baǵytpen 26 599 adam qamtylyp, turaqty jumys oryndaryna 18 679 adam, 7 920 adam ýaqytsha jumysqa ornalastyryldy»,-dep málim etti basqarmanyń baspasóz qyzmetinen.
Bıylǵy 1 qańtarda 6 798 adam jumyssyz retinde tirkelgen. Óńirdegi jumyssyzdyq deńgeıi – 4,9 paıyz.
Eske sala ketelik, budan buryn Atyraý oblysynda 23 myńǵa jýyq jumys orny ashylatynyn jazǵan bolatynbyz.