Atyraý oblysynda 6 262 adam Rfizer vaktsınasyn saldyrdy
Oblystyq densaýlyq saqtaý basqarmasy baspasóz qyzmetiniń málimetinshe, byltyrǵy 1 aqpanda COVID-19 ınfektsııasyna qarsy vaktsına saldyrý bastaldy.
«Sol kezden beri vaktsınalardyń I komponentin 266 963 adam ektirdi. Vaktsınalardyń II komponentin alǵan atyraýlyqtardyń sany 250 770 adamǵa jetip otyr. Al, 20 qarashada beri Pfizer ekpesin saldyrý jalǵasyp jatyr. Bul vaktsınany alatyn 12 men 18 jas aralyǵyndaǵy balalar sany 63 138 adamdy quraıdy. Al, bala emizetin jáne júkti áıelder sany – 35 362. Búginge deıin atalǵan vaktsınany 6 262 adamǵa saldyrdy. Onyń ishinde 12-18 jas aralyǵynda 3 376 jasóspirim, bala emizip otyrǵan 2 597 ana men 289 júkti áıel bar», -dep málim etti basqarmanyń baspasóz qyzmeti.
Sondaı-aq, 23 qarashada bastalǵan revaktsınalaýdan ótetinder tizimine 97 493 atyraýlyq engizilgen. Revaktsınalaýdy birinshi kezekte dárigerler men polıtseıler, muǵalimder, quqyq qorǵaý organdary men arnaıy mekemelerdiń qyzmetkerleri, memlekettik qyzmetshiler, sondaı-aq, stýdentter men sozylmaly syrqatymen esepte turǵan patsıentter alady. Osyndaı 8 sanattaǵy 32 326 adam revaktsınalaýdan ótken.
Eske sala ketelik, budan buryn Atyraý oblysynda Rfizer vaktsınasyn saldyrǵandar sany 6 myńnan asqanyn habarlaǵan edik.