Atyraý oblysynda 558 sheteldikti jumysqa tartýǵa ruqsat berilmegen
Oblystyq jumyspen qamtýdy úılestirý jáne áleýmettik baǵdarlamalar basqarmasy mamandarynyń málimetinshe, sheteldik jumys kúshin tartatyn kásiporyndarda qazaqstandyq 91 057 maman jumys isteıdi.
«Byltyr sheteldik jumys kúshin tartý úshin 10 567 kvota bólingen edi. Al, bıylǵy kvotanyń sany – 7723. Jyl basynan beri sheteldik jumys kúshin tartýǵa ruqsat berý jónindegi komıssııa sheshimimen 558 shetel azamatynyń ótinishi qabyldanbady. Jumys berýshilerge 1 qazanǵa deıin sheteldik mamandardy qabyldaý úshin 6 244 ruqsat berildi. Onyń ishinde 1-sanatqa 39, 2-sanat úshin 956, 3-sanat boıynsha 4192, 4-sanatqa jatatyn 425 ruqsat bar. Sondaı-aq, 621 sheteldik maýsymdyq jumysqa tartylyp, sheteldik 11 maman korporatıvtik aýystyrý sheńberinde atqaratyn jumysyn ózgertti» -dep habarlady basqarmanyń baspasóz qyzmeti.
Eske sala ketelik, budan buryn Atyraý oblysynda sheteldik 16 jumysshynyń jalaqysy tómendetilgenin habarlaǵan bolatynbyz.