Atyraý oblysynda 49 adamnan koronavırýs anyqtaldy

ATYRAÝ. QazAqparat – Atyraý oblysynda 49 adamnan koronavırýs ınfektsııasy anyqtaldy, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmeti taratqan aqparatqa qaraǵanda, ótken táýlikte 49 adam qaýipti vırýsqa shaldyqqan.

«Naýqastardyń arasynda Teńiz kenishiniń 32 jumysshysy, Atyraý qalasynyń 10 turǵyny

bar. Sondaı-aq, Qurmanǵazy aýdanynda 6, Mahambet aýdanynda 1 adamnan Sovid-19 anyqtaldy. Onyń ishinde 10 adamda ınfektsııanyń sımptomdy túri bar», -dep málim etti basqarmanyń baspasóz qyzmeti.

Ótken táýlikte koronavırýs ınfektsııasynan 95 adam emdelip shyqqan. Qazir úı jaǵdaıynda 276 adam emdelip jatyr. Al, oblystyq ınfektsııalyq statsıonarda 72, aýdandardaǵy statsıonarlarda 25, Teńiz kenishindegi statsıonarda 377 adam oqshaýlanǵan.

Eske sala ketsek, budan buryn Atyraý oblysy «jasyl» aımaqqa shyqqan edi.