Atyraý oblysynda 4 blok beket ornatyldy

ATYRAÝ. QazAqparat – Atyraý oblysynda karantın men shekteý engizilýine baılanysty 4 blok beket ornatyldy, dep habarlaıdy QazAqparat.

Blok-beketter Atyraý-Astrahan-Qaraózek, Atyraý-Oral-Almaly, Atyraý-Inder-Besikti jáne Atyraý-Dossor-Qarabatan baǵyttaryna qoıylǵan.

«Blok-beket jumysy 30 naýryzǵa qaraǵan túni bastaldy. Bas sanıtar dárigerdiń nusqaýyna baılanysty, Atyraý turǵyndary turǵylyqty jerine 2 sáýir saǵat 00:00-ge deıin jetýi tıis. Al, 2 sáýirden keıin bul múmkin bolmaıdy», - dedi oblystyq polıtsııa departamenti jergilikti polıtsııa basqarmasynyń bastyǵy Álibek Qaıyrov.