Atyraý oblysynda 30-dan astam eldi mekenge sý basý qaýpi tónip tur
Oblystyq Tótenshe jadaılar departamentiniń bólim jetekshisi Berik Qurmanalıevtiń aıtýynsha, departament ókilderi Reseı Federatsııasynyń Astrahan, Volgograd jáne Orenbýrg oblystarynyń bas basqarmalarymen tyǵyz qarym-qatynas ornatqan. Sonyń ishinde gıdrologııalyq rejım boıynsha da málimtter almasyp otyrý jumystary jaqsy jolǵa qoıylǵan. Al qazir kóktem shyqty, qar endi erip jatyr. Sondyqtan sý tasqynynyń qaýpi áli alda.
Atyraý oblysynyń aýmaǵynda 1 qala men 4 aýdandy, 34 eldi mekendi, 27258 adam turyp jatqan 8474 turǵyn úıdi sý basý qaýpi tónip tur. Jergiliktiń jáne respýblıkalyq mańyzdaǵy uzyndyǵy 166 km-di quraıtyn 28 qaýipti jol ýchaskeleri bar.
Berik Qurmanǵalıevtiń habarlaýynsha, sý tasqynynyń saldaryn joıý úshin 8 461,1 tonna janar-jaǵarmaı, 1 947 tonna ınertti materıaldar, 40 myńǵa jýyq qap, 45 shatyr men 6358 kórpe-tósegi bar kereýetter daıyndalǵan.