Atyraý oblysynda 3 myńǵa jýyq memlekettik qyzmetshi vaktsına saldyrdy
Oblystyq densaýlyq saqtaý basqarmasynyń baspasóz qyzmetinen málim etkendeı, 9 qarashada Covid-19 ınfektsııasyna qarsy vaktsınalardyń I komponentin 720 jergilikti turǵyn alǵan.
«Óńirde koronavırýs ınfektsııasyn taralýyn boldyrmaýdyń bir joly – vaktsına saldyrý. Osy oraıda turǵyndar arasynda vaktsınanyń mańyzy týraly aqparattyq-túsindirý jumysy qarqyn aldy. Mundaı shara ásirese, vaktsına saldyrý kórsetkishi tómen aýdandarda jandandyryldy. Osyndaı túsindirý jumysynyń nátıjesinde bıylǵy 1 aqpannan 9 qarasha aralyǵynda vaktsınalardyń І komponentin saldyrǵan adamdardyń sany 243 805-ke jetti. Vaktsınalardy ektirgenderdiń arasynda pedagogtar men medıtsına qyzmetkerleri, quqyq qorǵaý organdarynyń ókilderi men stýdentterge qosa 2 899 memlekettik qyzmetshi de bar. Vaktsınalardyń II komponentin 220 985 atyraýlyq saldyrdy» -dep habarlady basqarmanyń baspasóz qyzmeti.
Eske sala ketelik, budan buryn Atyraý oblysynda turǵyndardyń 60 paıyzy vaktsına saldyrǵanyn jazǵan bolatynbyz.