Atyraý oblysynda 25 myń oqýshy jazǵy mektepke baryp júr
«Bıylǵy oqý jylynyń sabaǵy burynǵysha 25 mamyrda aıaqtaldy. Alaıda, qańtardaǵy oqıǵalar men pandemııaǵa baılanysty shekteýlerden oqýshylardyń tolyqqandy bilim alýyna kedergi keltirildi. Bul bilim sapasyna eleýli nuqsan keltirmegenmen, keıbir alshaqtyqty týyndatty. Osyǵan baılanysty jazǵy mektepterde oqytýdy uzartý týraly sheshim qabyldandy. Jazǵy mektep oqýshylardyń bilimin qosymsha tolyqtyrý úshin ashyldy. Sondyqtan, mektep muǵalimderi oqýshylarmen qosymsha jumys isteı alady», - deıdi oblystyq bilim basqarmasy basshysynyń mindetin atqarýshy Aınagúl Dúısekenova.
Onyń pikirinshe, jazǵy mekteptiń óz ereksheligi bar. Bul – sabaqtyń ádettegi formatta ótpeıtini.
«Jazǵy mektepterge 1-8 jáne 10-synyp oqýshylaryn qabyldaý 26 maýsymda bastaldy. Onyń jumysy 17 maýsymǵa deıin sozylady. Bir ereksheligi, jazǵy mektepte sabaqty tek bilim oshaǵynda ǵana emes, mýzeılerde, ne taza aýada ótkizýge bolady. Ártúrli tanymdyq ekskýrsııalar uıymdastyrylady. Muǵalim ekskýrsııa kezinde eldiń tarıhy men geografııalyq ornalasýy týraly áńgimeleıdi. Jazǵy mekteptegi sabaqtar synyptaǵy oqýshylar sanyna qaramastan ótkiziledi. Oqýshylarǵa úı tapsyrmasy berilmeıdi. Mektepke erkin formamen barýǵa bolady», - dedi ol.
Eske sala ketelik, buǵan deıin Atyraý oblysynda 130 myńnan astam bala saýyqtyrý sharalarymen qamtylatynyn habarlaǵan bolatynbyz.