Atyraý oblysynda 236 túlek UBT-ǵa kelmeı qalǵan
20:59, 03 Shilde 2020
ATYRAÝ. QazAqparat –Atyraý oblysynda 236 túlek Ulttyq biryńǵaı test tapsyrýǵa barmaı qalǵan, dep habarlaıdy QazAqparat.
Óńirlik kommýnıkatsııalar qyzmetiniń málimetinshe, bıyl Atyraý oblysynda 3 102 túlek UBT tapsyrǵan. Onyń ishinde mektepter men kolledjderdi byltyr bitirgen 816 túlek bar.
«UBT synaǵyn tapsyrýǵa 236 talapker kelmeı qaldy. Uıaly telefon men shpargalka alyp kelgeni úshin 19 adam testileýge kirgizilgen joq. Al, 4 adam shpargalka men uıaly telefondy qoldanǵany úshin aýdıtorııadan shyǵaryldy», - dep málim etti Ulttyq testileý ortalyǵy H.Dosmuhamedov atyndaǵy Atyraý memlekettik ýınversıtetindegi fılıalynyń basshysy Aınagúl Dúısekenova.
Onyń aıtýynsha, test tapsyrý barysynda JRVI belgileri men dene qyzýy kóterilgen talapkerler tirkelmegen.
Qazaqstanda UBT tapsyrý aıaqtalǵanyn buǵan deıin habarlaǵan bolatynbyz.