Atyraý oblysynda 23 qańtardan beri 12 myńnan astam sheteldik kólik zańdastyryldy
Atyraý oblystyq polıtsııa departamenti protsessıngtik ortalyǵynyń bastyǵy, polıtsııa maıory Jeńis Dáýletovtiń aıtýynsha, 23 qańtarda shetelde tirkelgen kólikterdi zańdastyrý bastalǵan.
«Úkimettiń Qazaqstanǵa 2022 jyldyń 1 qyrkúıegine deıin shetelden ákelingen avtokólikterdi zańdastyrý týraly №13 arnaıy qaýlysy bar. Atalǵan qaýlyǵa sáıkes zańdastyrý naýqany bıylǵy 23 qańtarda bastaldy. Sodan beri Atyraý oblysynda 12 191 sheteldik kólik ıeleri kólikterin zańbastyryp, memlekettik nómir aldy. Onyń ishinde Reseı Federatsııasynan ákelingen 5 253, Armenı Respýblıkasynda tirkeýde turǵan 6 511 kólik bar. Belorýs Respýblıkasynan 1, Qyrǵystan Respýblıkasynan 115, Grýzııa Respýblıkasynan 41, Dýbaıdan 1 kólik ákelingen. Al, 22 mamyrdan bastap 269 sheteldik konstrýktor kólik ıeleri memlekettik nómirge ıe boldy», -dep habarlady Jeńis Dáýletov.
Eske sala ketelik, budan buryn Atyraýda aıyppulyn tólemeı júrgen júrgizýshilerden 16 mln teńge óndirilgenin jazǵan edik.
Atyraý qalasynda jyl basynan beri aıyppulyn tólemeı júrgen júrgizýshiler anyqtalyp, QR Ákimshilik quqyq buzýshylyq týraly kodeksiniń 785-babyna sáıkes 800-den astam avtokólik arnaıy turaqqa qoıyldy. Avtokólik júrgizýshileriniń tólenbegen 30 mln teńgege jýyq aıyppuly bary anyqtaldy. Al 7 maýsymnan beri ótkizilip jatqan «Boryshker» jedel profılaktıkalyq is-sharasy aıasynda 400-ge jýyq kólik júrgizýshisinen 16 mln teńgeden astam aıyppul óndirilip alyndy. Aıyppuly tólenbegeni úshin 287 avtokólik arnaýly turaqqa jetkizildi.