Atyraý oblysynda 15 myń jumys orny ashylmaq
23:42, 09 Naýryz 2020
ATYRAÝ. QazAqparat – Bıyl Atyraý oblysynda jańadan 15 myń jumys ornyn ashý josparlanyp otyr, dep habarlaıdy QazAqparat.
Bul týraly Atyraý oblystyq jumyspen qamtý jáne áleýmettik baǵdarlamalar basqarmasynyń basshysy Serik Hamıdolla habarlady.
Onyń aıtýynsha, álemdik munaı naryǵyndaǵy baǵanyń tómendeýi Atyraý oblysyndaǵy kásiporyndardyń kadrlyq saıasatyna keri áserin tıgizbeıdi. Qazir óńirdiń áleýmettik-ekonomıkalyq damýynda serpilis, kásiporyndar jumysynda turaqtylyq bar.
«Munaıly óńirdegi iri kásiporyndarda jumystan qysqartý bolmaıdy. Jumysshylardyń jalaqysy ýaqytynda tólenip keledi. Bıyl jańadan 15 myń jumys ornyn ashý josparlanyp otyr», - dedi Serik Hamıdolla.