Atyraý oblysynda 1467 otbasy baspanaly boldy
Indýstrııa jáne ınfraqurylymdyq damý mınıstrliginiń málimetinshe, qazir Atyraý oblysynda páter kezeginde 28 myńnan astam adam tur. Bıyl solardyń 7 myńǵa jýyǵynyń baspana máselesi sheshiledi.
«Osy maqsatta aǵymdaǵy jyldyń 5 aıynda qarjylandyrýdyń barlyq kózderi esebinen úı qurylysyna 12,9 mlrd teńge ınvestıtsııa baǵyttaldy. «Nurly jer» turǵyn úı-kommýnaldyq damytý memlekettik baǵdarlamasy sheńberinde bıyl óńirde satyp alý quqyǵynsyz 157 páter jalǵa beriledi. Mundaı múmkindik halyqtyń az qamtylǵan osal toptary men kóp balaly otbasylaryna arnalǵan. Al kredıttik turǵyn úıge bıyl 500-ge jýyq turǵyn qol jetkizbek. Bul baǵyttaǵy baspana qurylysyna 5 mlrd teńge qarajat qarastyrylǵan», - dep habarlady mınıstrliktiń baspasóz qyzmetinen.
Sondaı-aq, «Nurly jer» memlekettik baǵdarlamasy aıasynda 2%-dyq nesıemen «Baqytty otbasy» baǵdarlamasyn iske asyrý úshin bıyl 239 turǵyn úı qaryzyna respýblıkalyq bıýdjetten 2,4 mlrd teńge bólinedi. Al turǵyn úı qurylysy aýdandaryna ınjenerlik-kommýnıkatsııalyq ınfraqurylym júrgizý úshin 39 jobany iske asyrý kózdelip otyr. Bul maqsatqa 10,3 mlrd teńge qarajat josparlanǵan.
Sonymen qatar bıyl Atyraý oblysynda baspana qurylysy jumystaryna 2 myńǵa jýyq adamdy tartý josparlanǵan.
Jalpy jyl basynan óńirde 1 467 baspana paıdalanýǵa berildi. Onyń 975-i – jeke úı.