Atyraý oblysynda 1 658 naýqas koronavırýstan emdelip jatyr

ATYRAÝ. QazAqparat – Atyraý oblysynda koronavırýs ınfektsııasyna shaldyqqan 1 658 adam emdelip jatyr. Naýqastardyń 790-y ınfetsııalyq statsıonarlarda, al, 868 patsıent úıinde oqshaýlanǵan, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte 290 adam qaýipti vırýsqa shaldyqqan.

Onyń ishinde Atyraý qalasynda 212 naýqas tirkelgen.

Sondaı-aq, Jylyoı aýdanynda 26, Qurmanǵazyda – 20, Maqatta – 6, Qyzylqoǵada – 6, Isataıda – 4, Inderde – 3, Mahambet aýdanynda 2 naýqas anyqtalyp otyr.

Al, Teńiz kenishinde 11 jumysshy koronavırýs ınfektsııasyn juqtyrǵan.

«Qazir qaýipti vırýstan úı jaǵdaıynda emdelý úshin 868 adam oqshaýlandy. Buǵan qosa, modýldik aýrýhanada – 194, №2 oblystyq aýrýhanada – 150, aýdandardaǵy statsıonarlarda – 183, kardıologııalyq ortalyqta – 100, ftızıopýlmanologııalyq ortalyqta – 99, Teńiz ken ornyndaǵy ınfektsııalyq statsıonarda 64 adam emdelip jatyr» -dep habarlady basqarmanyń baspasóz qyzmeti.

Belgili bolǵandaı, ótken táýlikte koronavırýs ınfektsııasynan 109 naýqas saýyǵyp shyqqan.

Eske sala ketelik, budan buryn Atyraýda úsh kúnde 570 adam koronavırýs juqtyrǵanyn habarlaǵan edik.