Atyraý oblysynan qostanaılyqtarǵa 30 tonna gýmanıtarlyq kómek jiberildi
Oblys ákimi Serik Shápkenovtiń tapsyrmasymen Atyraý qalasy men aýdandarda arnaıy shtabtar quryldy. Shtab ókilderi keshe, 4 qyrkúıekte saǵat 9:00-den bastap azyq-túlik, kıim-keshek, jeke gıgıenalyq quraldar men tósek-jabdyq jınap, kólikterge tıep jiberdi.
Dala órtinen zardap shekken Qostanaı oblysynyń turǵyndaryna Atyraý oblysynan jiberilgen gýmanıtarlyq kómek 30 tonnany qurady.
Qaıyrymdylyq sharasyna turǵyndar, ákimdik qyzmetkerleri men máslıhat depýtattary, jergilikti kásipkerler men eriktiler jasaǵy kómek berip jatyr.
«Qostanaı oblysyndaǵy dala órti qabyrǵamyzdy qaıystyrmaı qoımady. Sol úshin shtabta jan-jaqtan kómek jınap, ony júk kólikterimen jiberemiz. Mundaı qıyn synaqtan judyryqtaı jumylyp, bir el bolyp óte alamyz. Qazir Qostanaı oblysyndaǵy «Amanat» partııasy fılıalynyń basshysymen baılanys jasap otyrmyz. Zardap shegýshilerge tikeleı qarajat jibergisi kelgender úshin bank shoty ashyldy. Aldaǵy ýaqytta bul esepshottyń nómiri qosymsha habarlanady», - dedi «Amanat» partııasy oblystyq fılıalynyń atqarýshy hatshysy Abdolla Idresov.
Onyń aıtýynsha, kúndelikti turmysta qoldanylatyn zattar tıelgen alǵashqy 10 júk kóligi jolǵa shyqty. Jaqyn kúnderi taǵy birneshe kólikpen gýmanıtarlyq kómek jiberiledi.
Shtab quramynda «Jastar rýhy» jastar qanatynyń músheleri de bar.
«Volonterler de qostanaılyqtarmen birge. Kómek kórsetýge daıynbyz», - deıdi erikti Zamanbek Quraqbaı.
Dala órtiniń saldarynan baspanadan aıyrylǵan qostanaılyqtarǵa kómek kórsetý úshin Atyraý oblysy boıynsha arnaıy chat ashyldy.
«Chatqa qosylǵan azamattar aqshalaı jáne zattaı kómek kórsetýge daıyn ekenin jazyp otyr. Eki kúnnen beri qajetti zattyń bárin jınap, keıin jóneltemiz dep otyrmyz. Qazir 20-ǵa jýyq júk kóligi jolǵa shyǵýǵa daıyn tur. Almaly aýyly jáne Mahambet aýdanynan da júk kólikteri kele jatyr», - dedi volonter Nurlan Jonasov.