Oblystyq jumyspen qamtý jáne áleýmettik baǵdarlamalar basqarmasynyń baspasóz qyzmetinen málim etkendeı, tarıhı Otanyna qonys aýdarǵan birqatar etnıkalyq qazaqtar qandas mártebesin alǵan.
Qazaqstan Respýblıkasynda turaqty turýǵa kelgen qandastardyń arasynda Ózbekstan Respýblıkasynan - 27, Túrkimenstan Respýblıkasynan - 2, Qytaı Halyq Respýblıkasynan bireý jáne Reseı Federatsııasynan - 2 otbasy bar.
Olar Atyraý qalasy men Jylyoı aýdanyna qonystandy.
«Sondaı-aq, Qazaqstan Respýblıkasynyń azamattyǵyn jeńildetilgen tártippen qabyldaý úshin 6 adamǵa buryn berilgen oralman mártebesin 6 aıdan aspaıtyn merzimge bir márte uzartý jóninde sheshim qabyldandy», -dep habarlady basqarmanyń baspasóz qyzmeti.
Eske sala ketelik, buǵan deıin Atyraýǵa 20 jyl buryn kóship kelgen qandas azamattyq alǵanyn jazǵan edik.