Atyraý oblysyna zaýyttan 66 tonna qant jetkizildi
«Ideal market» JShS qoıma logıstıkasy beketiniń dırektory Qýanysh Álimbetovtiń málimetinshe, Atyraýǵa Almaty oblysyndaǵy «Kóksý qant» zaýytynan 2 vagonmen qant jetkizilgen.
«Atalǵan zaýyttan 66 tonna qant jetkizildi. Atyraýda «Ideal» jáne «Lıder» sýpermarketteriniń 35 saýda núktesi bar. Qant sol saýda jelisi arqyly satylymǵa shyǵaryldy» - deıdi Qýanysh Álimbetov.
Oblystyq kásipkerlik jáne týrızm basqarmasynyń basshysy Nurbol Jańabekovtiń aıtýynsha, atalǵan zaýyttan óńirge qosymsha 408 tonna qant jetkizý úshin kelisim jasalǵan. Sáýir aıynan beri óńirge 536 tonna qant jetkizildi. Al, «Ideal Market» JShS-niń saýda jelilerine 6 vagonmen 408 tonna, ózge sýpermarket jelilerine 2 vagonmen 128 tonna qant tasymaldanǵan.
«Qazir Atyraýda bólshek saýdadaǵy qanttyń baǵasy – 385 teńge. Endi satylymǵa shyǵarylatyn qanttyń 1 kelisin 500-517 teńgeden satý bastalady. Buǵan tasymaldaý qunynyń qymbattaýy sebep bolyp tur. Jaqyn kúnderi Almaty oblysyndaǵy «Kóksý qant» zaýytynan taǵy 2 vagon qant jetkiziledi», - dep málim etti Qýanysh Alımbetov.
Eske sala ketelik, budan buryn Atyraý oblysyna zaýyttan 408 tonna qant jetkiziletinin habarlaǵan edik.