Atyraý oblysyna QazVac vaktsınasynyń 5 myń dozasy jetkizildi

ATYRAÝ. QazAqparat – Atyraý oblysyna QazVac vaktsınasynyń 5 myń dozasy jetkizildi, dep habarlaıdy QazAqparat.

Oblysy densaýlyq saqtaý basqarmasynyń baspasóz qyzmetinen málim etkendeı, vaktsına dozalary ekpe beketterine taratylǵan.

«Atyraý oblysynyń turǵyndary demalys kúnderi de vaktsına ektire alady. Onyń ishinde QazVac vaktsınasyn da saldyrýǵa bolady. Covid-19 ınfektsııasyna qarsy belsendiligi joıylǵan bul vaktsınanyń 1 qutysyna 1 doza quıylǵan. Qazir óńirdegi barlyq emhanada atalǵan vaktsınanyń 500-den 1 000-ǵa deıingi dozasy bar» -dep habarlady basqarmanyń baspasóz qyzmeti.

Eske sala ketelik, budan buryn Atyraý oblysynda koronavırýs juqtyrǵandar sany kúrt tómendegenin jazǵan edik.