Atyraý oblysyna Pfizer vaktsınasynyń 32 760 dozasy jetkizildi

ATYRAÝ. QazAqparat – Atyraý oblysyna Pfizer vaktsınasynyń 32 760 dozasy jetkizildi, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, vaktsınanyń І jáne ІІ komponentine arnalǵan dozalary búgin, 19 qarashada oblystyq farmatsevtıkalyq qoımaǵa jetkizilgen.

«Atyraý oblysyna 9 qarashada vaktsınany saqtaýǵa arnalǵan eki muzdatqysh ákelingen bolatyn. Endi búgin Pfizer vaktsınasyn egý bastalady. Vaktsına aldyn ala berilgen tizimge sáıkes erikti túrde salynady. Bul vaktsınany alý úshin turǵylyqty meken-jaıyna baılanysty tirkelgen emhanaǵa júginý qajet», - dep habarlady basqarmanyń baspasóz qyzmeti.

Eske sala keteıik, budan buryn Atyraý oblysynda Pfizer vaktsınasyn 76 myń adam alatynyn , keıinnen balalarǵa emhanada salynatynyn habarlaǵan edik.