Atyraý oblysy turǵyndaryna gazben jabdyqtaý jelilerine qosylýǵa ruqsat etildi

NUR-SULTAN. QazAqparat - «QazTransGaz Aımaq» AQ-nyń Atyraý fılıalyn tutynýshylarǵa gazben jabdyqtaý jelilerine qosylýǵa tehnıkalyq sharttar berýdi mindettedi, dep habarlaıdy QazAqparat QR Ekologııa, geologııa jáne tabıǵı resýrstar mınıstrliginiń baspasóz qyzmetine silteme jasap.

Buǵan deıin Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń Atyraý oblysy boıynsha departamentiniń atyna eki tutynýshydan «QazTransGaz Aımaq» AQ-y Atyraý óndiristik fılıalynyń gazben jabdyqtaý jelilerine qosýǵa tehnıkalyq sharttardy berýden bas tartý boıynsha zańsyz áreketterine qatysty shaǵymdar kelip túsken bolatyn.

Joǵaryda kórsetilgen shaǵymdar negizinde, TMRKD «QazTransGaz Aımaq» AQ-nyń Atyraý óndiristik fılıalyna qatysty tabıǵı monopolııalar týraly zańnama normalarynyń saqtalýy turǵysynan jospardan tys tekserý ashty.

Tekserý nátıjeleri boıynsha, 2021 jylǵy 9 jeltoqsanda Departament «QazTransGaz Aımaq» AQ-nyń Atyraý óndiristik fılıalyna qatysty ákimshilik is qozǵady jáne tutynýshylarǵa gazben jabdyqtaý jelilerine qosýǵa tehnıkalyq sharttar berý arqyly Qazaqstan Respýblıkasynyń Tabıǵı monopolııalar týraly zańnamasyn buzýshylyqtardy joıý týraly nusqama shyǵardy.

Alaıda, sýbekt Departamenttiń atalǵan nusqamasyn zańnamada belgilengen merzimde oryndamady jáne oǵan Atyraý oblysy boıynsha arnaýly aýdanaralyq ákimshilik sotyna shaǵym túsirdi.

Atyraý oblysynyń arnaýy aýdanaralyq ekonomıkalyq sotynyń 2022 jylǵy 11 naýryzdaǵy sheshimimen Departamenttiń uıǵarymy zańdy jáne negizdi dep tanyldy, al sýbektiniń talap aryzyn qanaǵattandyrýdan bas tartyldy (sot sheshimi zańdy kúshine engen joq).

«Búgingi kúni Departamenttiń mekenjaıyna júgingen tutynýshylarǵa suratylǵan kólemde gazben jabdyqtaý jelilerine qosýǵa tehnıkalyq sharttar berilgendigin atap ótken jón»,-delingen habarlamada.