Atyraý oblysy máslıhatynyń bir mandatty okrýginen 15 depýtat saılandy
Atyraý oblystyq aýmaqtyq saılaý komıssııasynyń málimetinshe, oblystyq máslıhattyń bir mandatty aýmaqtyq okrýgteri boıynsha depýtattardy saılaýdyń qorytyndysy shyqty.
«Saılaýshylar tizimine 412 382 adam engizildi. 19 naýryzdaǵy saılaýda daýys berýge 204 097 saılaýshy qatysty. Oblystyq máslıhattyń bir mandatty aýmaqtyq saılaý okrýgteri boıynsha kandıdattardyń jalpy sany – 39», - dep habarlady oblystyq saılaý komıssııasynan.
Saılaý qorytyndysymen
№1 saılaý okrýginen Álibek Semǵalıev,
№2 saılaý okrýginen Nurlybek Daralıev,
№3 saılaý okrýginen Qadirbek Maǵzomov,
№4 saılaý okrýginen Arman Haırýllın,
№5 saılaý okrýginen Mýsa Haırýllıev,
№6 saılaý okrýginen Qazbek Kertaev,
№7 saılaý okrýginen Aıjan Qarabaeva,
№8 saılaý okrýginen Syrybek Sársembaev,
№9 saılaý okrýginen Seıitjan Baljigitov,
№10 saılaý okrýginen Salamat Idrısov,
№11 saılaý okrýginen Nurlan Qaırdenov,
№12 saılaý okrýginen Zámzagúl Qarsaqova,
№13 saılaý okrýginen Qaıyrbek Baımuratov,
№14 saılaý okrýginen Qýanysh Ismagýlov,
№15 saılaý okrýginen Erkebulan Kenjeǵalıev depýtat bolyp saılanǵan.
Sondaı-aq, Atyraý oblystyq aýmaqtyq saılaý komıssııasynyń málimetinshe, oblystyq máslıhat saılaýyna 6 saıası partııa qatysqan. Saılaý qorytyndysy boıynsha saılaýshylardyń daýystary kelesideı bólingen:
«Amanat» partııasy – 121 201 nemese 59,94% daýys, «Aq jol» Qazaqstannyń demokratııalyq partııasy – 20 763 nemese 10,27% daýys, «Respublica» partııasy – 18 109 nemese 8,96% daýys, «Aýyl» halyqtyq-demokratııalyq patrıottyq partııasy – 15 676 nemese 7,75% daýys, «Baıtaq» jasyldar partııasy – 10 573 nemese 5,23% daýys, «Qazaqstan halyq partııasy» – 9 026 nemese 4,46% daýys.
Al, «Barlyǵyna qarsy» jolynda belgisi bar bıýlletender sany – 6 859.
«Daýys berýge qatysqandar sanynan saılaýshylardyń 5 jáne odan da kóp paıyzyn alǵan saıası partııalar úshin depýtattyq mandattar mynadaı etip bólindi. «Amanat» partııasyna 10, «Aýyl» halyqtyq-demokratııalyq patrıottyq partııasyna 1, «Respublica» partııasyna 1, «Baıtaq» jasyldar partııasyna 1, «Aq jol» demokratııalyq partııasyna 2 oryn berildi», - dep habarlady oblystyq aýmaqtyq saılaý komıssııasynan.
Eske sala ketelik, budan buryn Atyraý oblysynda zaǵıp jan saǵat 7-de daýys bergenin jazǵan edik.