Atyraý oblysy ákiminiń orynbasary qyzmetinen ketti

ATYRAÝ. QazAqparat - Bilim salasyna jaýap beretin Atyraý oblysy ákiminiń orynbasary Nursáýle Saılaýova qyzmetinen bosatyldy, dep habarlaıdy QazAqparat tilshisi.

Búgin Atyraý oblysynyń ákimi Nurlan Noǵaev óńir aktıviniń jınalysyn ótkizdi.

«QR Prezıdent Ákimshiligimen kelise otyryp, meniń buıryǵym boıynsha, sondaı-aq óziniń bergen ótinishine sáıkes oblys ákiminiń orynbasary Nursáýle Saılaýqyzy Saılaýova óz erkimen qyzmetinen bosatyldy», - dep habarlady Nurlan Noǵaev.

N.Saılaýova oblys ákiminiń orynbasary qyzmetine 2017 jyldyń sońynda taǵaıyndalǵan, ol áleýmettik blokka jetekshilik etken, dep habarlady Atyraý oblystyq óńirlik kommýnıkatsııalar qyzmeti.

Budan buryn habarlanǵandaı, Atyraýda oblystyq bilim basqarmasynyń basshysy men onyń sybaılastary ustaldy.
Atyraý oblysy boıynsha Sybaılas jemqorlyqqa qarsy is-qımyl ulttyq bıýrosy departamentiniń málimetinshe, sottyń sheshimimen oblystyq bilim basqarmasynyń basshysy Qaıyrǵalı Kenjeǵalıev pen onyń orynbasary Roza Qabdolovany, sondaı-aq N.Tilendıev atyndaǵy Kishi óner akademııasy janyndaǵy daryndy balalarǵa arnalǵan mektep-ınternatynyń bas esepshisi Nazymgúl Májitovany eki aıǵa qamaldy.
Olarǵa qatysty QR QK 189-baby 4-bóligi 2-tarmaǵy boıynsha sotqa deıingi tergeý jumystary júrip jatyr.

Foto: www.atyrau.gov.k