Atyraý oblysy ákimdiginiń Telegram kanalyn qoldanýshylar sany 20 myń adamǵa jetti

ATYRAÝ. QazAqparat –Atyraý oblysy ákimdiginiń Telegram kanalyn qoldanýshylar 20 myń adamǵa jetti, dep habarlaıdy QazAqparat óńirlik kommýnıkatsııalar qyzmetine silteme jasap.

Atyraý oblysy ákimdiginiń 2017 jyly ashylǵan Telegram kanalyna búginge deıin turǵyndardan 15 myńǵa taıaý suraq túsken. Sondaı-aq, turǵyndar aptasyna 200-ge jýyq saýal joldaıdy.

«Telegram kanaly halyqtyń oblys ákimdiginiń ókilderi men tıisti organdar jetekshilermen tikeleı baılanys ornatýdyń tıimdi alańyna aınaldy. Bul –ásirese, áleýmettik məselelerdiń jedel sheshilýine arnalǵan taptyrmas qural», - deıdi óńirlik kommýnıkatsııalar qyzmeti taldaý bóliminiń basshysy Aıajan Qaıdar.

Qazir Atyraý qalasy men aýdandar ákimdikteri de Telegram kanalynan paraqsha ashqan. Maqsat –aýyl turǵyndarynyń ótinimderine der kezinde jaýap berý. Ár aýdanda kanaldy shamamen 3-5 myń adam qoldanady.