Atyraý oblystyq sotynyń tóraǵasy Baýyrjan Jumaǵulov qyzmetinen bosady

ATYRAÝ. QazAqparat – Atyraý oblystyq sotynyń tóraǵasy Baýyrjan Jumaǵulov qyzmetinen bosatyldy, dep habarlaıdy QazAqparat tilshisi.

«Qazaqstan Respýblıkasy Prezıdentiniń 2023 jylǵy 26 maýsymdaǵy Jarlyǵyna sáıkes Atyraý oblystyq sotynyń tóraǵasy Baýyrjan Jumaǵulov qurmetti demalysqa shyǵýyna baılanysty qyzmetinen bosatyldy», -dep habarlady oblystyq sottyń baspasóz qyzmeti.

Baýyrjan Tursynuly bul qyzmetke 2020 jylǵy 13 sáýirde taǵaıyndalǵan edi.

1961 jyly Almaty oblysynda dúnıege kelgen. Mamandyǵy – quqyqtanýshy, zańger.

Ár jyldary Almaty qalasynyń prokýratýrasynda, Aqmola oblysynyń ádilet basqarmasynda qyzmet atqarǵan.

1999-2002 jyldary Astana qalasynyń soty, 2002-2006 jyldary Atyraý qalasynyń mamandandyrylǵan aýdanaralyq ekonomıkalyq sotynyń tóraǵasy bolǵan.

2011-2012 jyldary QR Joǵarǵy sotynyń apparatynda, 2012 jyldan bastap búgingi kúnge deıin QR Joǵarǵy sotynda jumys istegen.

«Atyraý oblystyq soty tóraǵasynyń mindetin atqarý Anargúl Salıhovaǵa júkteldi. Ol Qazaqstan Respýblıkasy Prezıdentiniń 2021 jylǵy 28 maýsymdaǵy №607 Jarlyǵymen Atyraý oblystyq sotynyń ákimshilik ister jónindegi sot alqasynyń tóraǵasy laýazymyna taǵaıyndalǵan», -dep málim etti oblystyq sottyń baspasóz qyzmetinen.

Eske sala ketelik, budan buryn Atyraý oblysynyń sottaryna jańa tóraǵalar taǵaıyndalǵanyn jazǵan bolatynbyz.

Prezıdent Jarlyǵymen Atyraý qalasynyń №2 sotynyń tóraǵasy qyzmetine Bahytgúl Dıýsebalıeva taǵaıyndaldy.

Ol buǵan deıin Atyraý qalasynyń mamandandyrylǵan tergeý sotynyń tóraǵasy bolǵan edi.

Atyraý oblysynyń kámeletke tolmaǵandardyń isteri jónindegi mamandandyrylǵan aýdanaralyq sotynyń tóraǵasy bolyp Janat Habarov taǵaıyndalǵan.

Ol osy taǵaıyndaýǵa deıin Inder aýdandyq sotynyń tóraǵasy bolǵan.