Atyraý oblystyq polıtsııa departamenti kóshi-qon qyzmetiniń basshysy ustaldy
Oblystyq polıtsııa departamenti kóshi-qon qyzmetiniń basshysy para berýge arandatýshylyq jasady degen kúdikke ilingen.
Tergeý málimetine qaraǵanda, kúdikti aǵasymen birge elden shyǵarylý qaýpi tóngen Moldova Respýblıkasynyń azamatynan Atyraý qalalyq sotynyń sýdıasyna para berýdi suraǵan. Polıtsııa polkovnıgine 6 myń dollar kóleminde parany rekrýtıngtik agenttiktiń dırektory jetkizip bergen. Alaıda, sheteldik valıýta sýdıaǵa jetkizilmegen.
«Kúdiktige qatysty QR Qylmystyq kodekstiń 28-babynyń 4-bóligimen, 367-baptyń 3-bóligimen qylmystyq is qozǵaldy», - dep habarlady oblystyq sybaılas jemqorlyqqa qarsy is-qımyl departamentiniń baspasóz qyzmeti.
Eske sala ketelik, budan buryn Atyraý oblystyq densaýlyq saqtaý basqarmasy basshysynyń orynbasary qamalǵan bolatyn.