Atyraý oblystyq máslıhatyna jańa hatshy saılandy

ATYRAÝ. QazAqparat – Atyraýda oblystyq máslıhattyń І sessııasy ótip, jańa hatshy saılandy, dep habarlaıdy QazAqparat.

Sessııada oblystyq máslıhattyń hatshysy laýazymyna Álibek Náýtıev saılandy. Ol buǵan deıin oblys ákiminiń orynbasary bolǵan edi.

Saılaý qorytyndysyna sáıkes, VІІ shaqyrylymdaǵy oblystyq máslıhattan «Nur Otan» partııasyna – 25, «Aq jol» Qazaqstannyń demokratııalyq partııasyna – 3, «Aýyl» Halyqtyq-demokratııalyq patrıottyq partııasyna 3 depýtattyq mandat berilgen.

Sondaı-aq, jergilikti máslıhat depýtattarynyń sany 134-ten 141-ge ósip otyr.

Sonyń ishinde oblystyq máslıhat depýtattarynyń sany 27-den 31-ge, al, Atyraý qalalyq máslıhatynyń depýtattary 19-dan 24-ke, Jylyoı aýdandyq máslıhatynyń depýtattary 15-ke artqan.

«Saılaýaldy baǵdarlamany oryndaý men jańa reformalardy júzege asyrý mindetteri tur. Turǵyndardy tolǵandyratyn máselelerdi sheshýdiń júıeli josparyn jasaqtap, tıimdi joldaryn tabýymyz qajet. Sondyqtan, depýtattardy el ıgiligi úshin birlese qyzmet etýge shaqyramyn»,- dedi aımaq basshysy Mahambet Dosmuhambetov.