Atyraý munaıshylary aýrýhanaǵa 40 ottegi ballonyn alyp berdi
Otandyq kompanııanyń qoǵammen baılanys qyzmetiniń aqparatyna súıensek, oblystyq aýrýhanaǵa ókpeni jasandy jeldetýge arnalǵan ottegi kontsentratoryn alýǵa jáne operatsııalyq bloktardy, reanımatsııalardy, dıalız ortalyqtary men provızorlyq bólimshelerdi medıtsınalyq gazben qamtamasyz etý úshin medıtsınalyq jabdyqtar satyp alýǵa 146 mıllıon teńge kóleminde demeýshilik kómek kórsetilgen.
Sondaı-aq, Jylyoı aýdandyq aýrýhanasyna 35 mıllıon teńge aýdarylǵan. Al, óńir turǵyndaryna kórsetilgen kómektiń jalpy somasy - 300 mıllıon teńgege jýyq.
«Buǵan deıin «Embimunaıgaz» AQ Atyraý qalasynyń «Bereke» yqshamaýdanyndaǵy karantın statsıonaryn turmystyq tehnıkamen, gıgıenalyq qajetti zattarmen qamtamasyz etýge 100 mıllıon teńge bólgen bolatyn. Mahambet aýdanynda qaıtadan ashylǵan provızorlyq ortalyqqa avtobýs berildi. Al, oblystyq aýrýhanaǵa 40 ottegi ballony tapsyryldy. Sonymen qatar, Isataı, Maqat, Jylyoı jáne Qyzylqoǵa aýdandarynyń ákimdikterine blokpost uıymdastyrýǵa, dezınfektsııa júrgizýge jáne halyqtyń áleýmettik az qamtylǵan toptaryna kómek kórsetildi» dep habarlady kompanııanyń qoǵammen baılanys qyzmeti.
Eske sala ketelik, budan buryn Atyraý oblysynda karantın kúsheıtilgen bolatyn.