Atyraý munaı óndirý zaýytyn tekserý barysynda birqatar kemshilik anyqtaldy

ATYRAÝ. QazAqparat – Atyraý oblysynyń Ekologııa departamenti bıyl 18 tamyz ben 5 qyrkúıek aralyǵynda «Atyraý munaı óńdeý zaýyty» JShS-ne kezekten tys taqyryptyq tekserý júrgizdi.

Bul týraly QazAqparat QR Ekologııa, geologııa jáne tabıǵı resýrstar mınıstrliginiń baspasóz qyzmetine silteme jasap habarlaıdy.

Tekserý barysynda zaýyttyń elektr qýatymen qamtý júıesi isten shyǵyp, tehnologııalyq qurylǵylardy tolyǵymen toqtatý kerek boldy. Osyǵan baılanysty qurylǵylardy saqtap qalý jáne olardyń qaýipsizdigin qamtamasyz etý maqsatynda kómirsýtegi gazynyń qysymy ýaqytsha alaý júıesine jiberildi.

Elektrmen qamtý júıesi qalpyna kelgennen keıin tehnologııalyq qurylǵylar qaıta iske qosyldy.

Jobalaý qujattaryn zertteý barysynda kásiporynnyń gazdy alaýǵa jaǵý emıssııasyna ruqsatynyń joq ekeni anyqtaldy. Osylaısha, «Atyraý munaı óńdeý zaýyty» JShS-nyń 73 myń tekshe metr otyn gazyn munaıdy tereń óńdeý óndirisi alaýynda jáne 6 myń tekshe metr gazdy PGPN qurylǵysynda jaǵýy zańsyz jáne ekologııalyq zańnamamen rettelmeıtini anyqtaldy.

Aıta ketetini zaýyta mundaı kemshilikter júıeli bolyp túrady. Atalǵan faktige kásiporyn ókilderi úshinshi ret jol berip otyr.

Qorshaǵan ortaǵa emıssııalardyń normasyn saqtamaǵany úshin kásiporynǵa ÁQ Kodeksiniń 3 baby boıynsha hattama toltyryldy.

Materıaldar sottyń qaraýyna jiberildi.

Foto: azh.kz