Atyraý munaı óńdeý zaýytynyń qondyrǵysynan tútin shyqty
Oblystyq ekologııa departamenti baspasóz qyzmetiniń málimetine súıensek, 16 tamyzda áleýmettik jelisinde «AMÓZ» JShS zaýytynan shyqqan tútinniń fotosy taraǵan. Osyǵan baılanysty departament mamandary «AMÓZ» JShS men «Kazgıdromet» RMK Atyraý oblysy boıynsha fılıalynan «Airkz» júktemesiniń aqparatyn suratqan.
«Departamentke joldanǵan «AMÓZ» JShS-niń aqparatyna sáıkes, zaýyttaǵy úlken qubyrdan shyqqan tútin – katalıtıkalyq krekıng qondyrǵysynda azot oksıdterin ketirýge arnalǵan keshendi blok. Bul qondyrǵy joǵary oktandy benzınge arnalǵan komponentti shyǵarady. Katalıtıkalyq krekıngtiń janý ónimderi ártúrli tehnologııalyq qondyrǵylardan bólinetin gazdardyń jylýyn paıdalanatyn qazanda salqyndatylǵannan keıin «tútini bar qubyr» (Skrýbber) júıesine enedi. Ozon (O3) totyǵý men sýmen janasqanda óte jaqsy erıtin ónimge aınalý úshin osy tútin gazdaryna aldyn ala beriledi. Sodan keıin skrýbberde gazdar kúkirt oksıdterinen (SO2, SO3) tolyǵymen tazalanyp, tazartýdyń birneshe satysynan ótedi. Munyń nátıjesinde lastaýshy zattary bar aerozoldi qospa (katalızator shańy jáne erigen sýlfıdter, sýlfattar, kúkirt oksıdin alý nátıjesinde paıda bolatyn nıtrıtter) túziledi. Munyń bári skrýbber qondyrǵysynan shyǵarylady. ıAǵnı, tamshylatyp sýarý júıesi arqyly qarapaıym sý býy bolyp shyǵarylǵandyqtan, atmosferaǵa jáne tirshilik
ıelerine eshqandaı qaýip tóndirmeıdi», -dep habarlady departamenttiń baspasóz qyzmeti.
«Kazgıdromet» RMK Atyraý oblysy boıynsha fılıalynyń aqparatyna qaraǵanda, munaı óńdeý zaýytynan tútin shyqqan kezde atmosferada zııandy qaldyqtardyń ruqsat etilgen shekti shamadan asýy tirkelmegen.
Eske sala ketelik, buǵan deıin Atyraý munaı óńdeý zaýyty 60 mln teńgeden astam aıyppul tólegeni habarlanǵan bolatyn.