Atyraý munaı óńdeý zaýytynyń bıologııalyq tazartý qurylǵysynan aqaý shyqty
11:53, 02 Qarasha 2020
ATYRAÝ. QazAqparat – Atyraý munaı óńdeý zaýytynyń bıologııalyq tazartý qurylǵysynan aqaý shyqty, dep habarlaıdy QazAqparat.
«1 qarashada bıologııalyq tazartý qurylǵysynyń jumys rejıminde aqaý oryn aldy. Bul bıologııalyq shlamnyń normatıvtik tazartylǵan aǵyndar arnasyna az ýaqytqa ótip ketýine sebep boldy. Qazirgi ýaqytta tehnologııalyq rejımdi qalypqa keltirý júrgizilip jatyr. Osy jaǵdaıdy tergeý boıynsha arnaıy komıssııa quryldy», dep habarlady Atyraý munaı óńdeý zaýytynyń baspasóz qyzmeti.
Atyraý munaı óńdeý zaýyty 2019 jyly sarqyndy sýlardy tazartý sapasyn jaqsartý maqsatynd tazartý qurylystaryn qaıta jańartý jobalaý jumystaryn bastady. Qazir alańdardy daıyndaý jáne jabdyqtar satyp alý júrgizilýde. Jobany 2022 jyly aıaqtaý josparlanyp otyr.