Atyraý munaı óńdeý zaýytynda jóndeýden soń táýligine 400 tonnaǵa deıin gaz óndiriledi
«Atyraý MÓZ» JShS-niń baspasóz qyzmetiniń málimetinshe, ónim óndirýge qatysty óndiristik baǵdarlama aı saıyn jasaqtalady.
«Zaýytta júrgizilip jatqan josparly aldyn alý, jóndeý jumystaryn eskere otyryp, jasaqtalǵan óndiristik baǵdarlamaǵa sáıkes, 1-8 qarasha aralyǵyndaǵy suıytylǵan munaı gazyn óndirý kólemi 427 tonnany qurady. Al, 9 qarashadaǵy kórsetkish boıynsha 640 tonna suıytylǵan munaı gazy óndirilip, tutynýshyǵa jóneltildi. Bul josparlanǵan kórsetkishten 212 tonnaǵa artyq.
Suıytylǵan munaı gazyn óndirý kólemin arttyrý jóndeý jumystary kezinde oblysta gaz defıtsıtin boldyrmaý úshin jasalǵan. Buǵan qosymsha oblysty suıytylǵan munaı gazymen qamtamasyz etý úshin 9 qarashadan bastap «PHSNG» JShS-da qazan aıynan beri zaýyttyń tehnıkalyq qajettilikteri úshin saqtaýly turǵan 270 tonna SMG jóneltile bastady. Qazan-qarasha aıyna josparlanǵan gaz óndirý kólemi jóninde «AMÓZ» JShS jóndeý jumystary bastalmas buryn Energetıka mınıstrligi men Atyraý qalasynyń ákimdigine resmı túrde habarlady», -dep zaýyttyń aqparat taratty baspasóz qyzmeti.
Atyraý munaı óńdeý zaýyty josparly aldyn alý, jóndeý jumystary aıaqtalǵannan keıin suıytylǵan munaı gazyn óndirý kólemin táýligine 350-400 tonnaǵa jetkizýdi josparlap otyr.
Eske sala ketelik, buǵan deıin Atyraý oblysynda avtogaz tapshylyǵynyń týyndaý sebebi aıtylǵanyn jazǵan edik.