Atyraý munaı óńdeý zaýytynda jańa gradırnıa iske qosyldy
21:20, 07 Qarasha 2017
ATYRAÝ. QazAqparat - Búgin Atyraý munaı óńdeý zaýytynyń baıaý koksty báseńdetetin qondyrǵysyna jańa gradırnıa qoıyldy, dep habarlaıdy «QazAqparat» HAA tilshisi.
«Gradırnıa Atyraý munaı óńdeý zaýytyndaǵy koks jáne kúkirt óndiretin baıaý koksteý qondyrǵysynyń aǵyn sýdy tazalaý ǵımaratyna qoıyldy. Nysan 2016-2020 jyldarǵa josparlanǵan zaýyttyń sýmen jabdyqtaý jáne sý tartý júıelerin qaıta qurýdy júzege asyrý jónindegi sharalar jospary aıasynda salyndy.
Jańa gradırnıanyń iske qosylýy koks óndirisindegi tazartylǵan sýdy qaıta paıdalaný koeffıtsıentterin arttyrýǵa; bloktaǵy aınalma sýdy tazalaý, ǵımaratyndaǵy mehanıkalyq aýyrtpalyqtardy jeńildetýge, sondaı-aq, aǵatyn sýlardyń bıologııalyq tazartylýyna múmkindik beredi», - dep málim etti Atyraý munaı óńdeý zaýytynyń qoǵammen baılanys bólimi.