Atyraý munaı óńdeý zaýytynda qondyrǵy jumysy eki kúnge toqtaıdy
«Atyraý MÓZ» JShS-niń qoǵammen baılanys bóliminiń málimetinshe, 16-17 maýsymda sýtegini tazartý qondyrǵynyń jumysy toqtatylady.
«Jóndeý jumystary quramynda sýtegi bar gazdy (SG) tazalaýǵa arnalǵan adsorberge júrgiziledi. Qondyrǵy toqtatylǵan kezeńde quramynda sýtegi bar gaz odan ári órteý úshin tehnologııalyq qondyrǵylardan gazdardy qaýipsiz shyǵarýdy qamtamasyz etetin alaý júıesine jiberiletin bolady. Alaýdyń janý shúmegine aýa berý arqyly baǵanadan shyǵarylatyn tehnologııalyq gazdyń tolyqtaı janýyn, kómirsýtekterdiń beıtaraptandyrylýy men býǵa tolyq konversııalanýyn qamtamasyz etedi. Demek, tolyq janý nátıjesinde alaýda quramynda sýtegi bar gazdan ýly gaz (SO) túzilmeıdi», -dep habarlady zaýyttyń qoǵammen baılanys bólimi.
Qoǵammen baılanys bóliminiń málimetinshe, alaý baǵanalary jeldiń kúshi men baǵytyna qaramastan janý ónimderiniń tolyq taralýyna kepildik beredi. Bul rette gazdardyń shoǵyrlanýy ruqsat etilgen normalardan aspaıdy. Buǵan zaýyttyń perımetri boıynsha ornatylǵan monıtorıng aspaptary dálel bola alady.
Eske sala ketelik, budan buryn Atyraý munaı óńdeý zaýytyna qatysty sotqa deıingi tergeý bastalǵanyn jazǵan edik.