Atyraý munaı óńdeý zaýytynda elektr qýaty sónip, qondyrǵylar toqtatyldy

ATYRAÝ. QazAqparat – Atyraý munaı óńdeý zaýytynda elektr energııasy sónip, sonyń saldarynan alaý jandy, dep habarlaıdy QazAqparat tilshisi.

Atyraý munaı óńdeý zaýyty qoǵammen baılanys bóliminiń málimetinshe, alaýdyń janýyna elektr enegrııasynyń óshýi sebep bolǵan.

«KEGOC» AQ elektr qýatyn jospardan tys toqtatyp tastady. Sonyń saldarynan Atyraý munaı óńdeý zaýytynda elektr qýaty bolmady. Osyǵan baılanysty zaýyt jumysy avarııalyq jaǵdaıda toqtatyldy. Tótenshe jaǵdaıdyń aldyn alý úshin syrtqy elektrmen jabdyqtaý júıesi tolyq turaqtanǵansha, zaýyttyń otyn jelisi tehnologııalyq reglamentke sáıkes alaý júıesine baǵyttalady. «KEGOC» AQ-nyń elektr berýdi toqtatýy jospardan tys bolyp otyr. Bul óndiristiń jumysyna keri áser etedi», - dep aqparat taratty zaýyttyń qoǵammen baılanys bólimi.

Buǵan deıin Atyraý munaı óńdeý zaýyty lastaýshy zattardy aýaǵa normadan kóp shyǵarǵanyn habarlaǵan edik .

Bıylǵy 27 sáýir – 26 mamyr aralyǵynda «AMÓZ» JShS-ǵa tekserý júrgizildi. Sol kezde statsıonar kózderinen, ónerkásiptik shyǵaryndylardan, sondaı-aq hımııalyq taldaý maqsatynda «Týhlaıa balka» býlaný alańyna aǵyzylatyn sarqyndy sýdan synama alyndy. Tekserý qorytyndysymen «AMÓZ» JShS-niń jylý elektr ortalyǵynda ornalasqan №3 qazannan kómirqyshqyl gazy, al №4 qazannan azot oksıdi men azot dıoksıdiniń shekti ruqsat berilgen normadan asý faktisi anyqtaldy.