Atyraý munaı óńdeý zaýytynda avıaotynnyń jańa túri óndirile bastady

ATYRAÝ. QazAqparat - Atyraý munaı óńdeý zaýytynda RT markaly áýe otyny óndirile bastady, dep habarlaıdy QazAqparat tilshisi.

«RT markaly áýe otynynyń alǵashqy partııasy «Atyraý munaı óńdeý zaýyty» JShS-da jasaldy. Osylaısha TS-1 markaly áýe otynyn óndirý isi aıaqtalǵan soń qazan aıynan bastap Atyraý munaı óńdeý zaýyty tolyqtaı jańa ónimdi shyǵarýǵa kirisedi. Qazirgi ýaqytta AMÓZ RT markaly áýe otyny taýardyń sáıkes PIN-kodyn alyp, qujattandyrý men sertıfıkattaýdan ótti. Sáıkesinshe, atalmysh otyndy áýe kompanııalary satyp alyp, áýe kólikterine quıa alady», - dedi «AMÓZ» JShS baspasóz qyzmetindegiler.

Azamattyq jáne áskerı avıatsııaǵa arnalǵan áýe otynyn shyǵarý isi jańǵyrtý jobasy aıasynda AMÓZ ashyq tústi munaı ónimderiniń toptamasyn keńeıtý aıasynda bastaldy.

Reaktıvti otyndy óndirý isi jańǵyrtýǵa deıin 21 myń tonnadan 2019 jyly bir jylda 230 myń tonnaǵa deıin ósedi.