Atyraý munaı óńdeý zaýyty 14 myń tonna benzol eksporttady

ATYRAÝ. QazAqparat - Atyraý munaı óńdeý zaýyty Qazaqstanda tuńǵysh ret eksportqa munaı hımııasyna arnalǵan shıkizat - benzol shyǵara bastady, dep habarlaıdy «QazAqparat» HAA tilshisi.

«2017 jyly  8 951,2 tonna benzol shyǵaryldy. Bul josparlanǵan mejeden 104 paıyzǵa artyq. Benzol óndirisi qolǵa alynǵan ýaqyttan osy kúnge deıin 14 380,8 tonna ónim daıyndaldy.  Atalǵan ónim túgeldeı Reseıge eksporttaldy. «Tazartylǵan benzol -545» sertıfıkaty bar taýar barlyq halyqaralyq talaptarǵa tolyǵymen jaýap beredi»,-dep habarlaıdy zaýyttyń baspasóz qyzmeti.

Benzol - eń kóp taralǵan munaı hımııalyq ónim. Plastmassada onyń úles salmaǵy 33 paıyz, kaýchýk pen rezeńkede 66 paıyz, sıntetıkalyq zattarda 80 paıyzǵa deıin jetedi.