Atyraý MÓZ jyl sońyna deıin 240 myń tonna dızel otynyn óndirmek

ATYRAÝ. QazAqparat - Atyraý munaı óńdeý zaýyty qysqy dızel otynyn óndirýge kirispek, dep habarlaıdy QazAqparat.

«2017 jyldyń 19 qazanynda Atyraý munaı óńdeý zaýyty K2 jáne K3 ekologııalyq sanatyndaǵy qysqy jaǵarmaı markalaryn óndirýdi bastaıdy. Atalmysh otyn túrleriniń Keden Odaǵynyń kedendik reglamentteri boıynsha shekti temperatýralyq fıltrlenýi mınýs 15S, al 26 qazannan bastap, fıltrlendirýdiń shekti temperatýrasy mınýs 25S-ge deıin jetkiziletin bolady. Bul otyn túrinde túrli qospalar óte az bolady, osyǵan qaraı ol saqtalýy kezinde óziniń otyn retindegi qasıetterin joǵaltpaıdy. Al tozýǵa qarsy engiziletin qospalar onyń paıdalaný erekshelikterine oń yqpal etedi»,-dep túsindirdi AMÓZ-nyń qoǵammen baılanys bóliminiń ókilderi.

Kásiporynnyń baspasóz qyzmetiniń habarlaýynsha, jyl sońyna deıin 240 myń tonna qysqy dızel otyny daıyndaý josparlanyp otyr.