Atyraý MÓZ Qytaımen baılanysty nyǵaıtpaq

ATYRAÝ. QazAqparat - Atyraý munaı óńdeý zaýyty Qytaıdyń Haınan munaı óńdeý zaýymen aradaǵy baılanysty nyǵaıtpaq, dep habarlaıdy Qazaqparat tilshisi.

«Beıjińde Atyraý jáne Haınan munaı zaýyttary arasynda iskerlik yntymaqtastyq pen baýyrlastyq qatynas kelisimine qol qoıý rásimi ótti. Kelisimge «QazMunaıGaz» UK» AQ munaı jáne gazdy óńdeý jónindegi aǵa vıtse-prezıdenti Danııar Tıesov pen «Sinopec Group» bas dırektory Lın Itsıýn qol qoıdy», -  dedi Atyraý MÓZ baspasóz qyzmeti.

Ekiara kelisim munaı óńdeý kásiporyndary arasynda ózara tıimdi yntymaqtastyqty qalyptastyrýǵa, áleýmettik saıasat pen personaldardy basqarýda, energııa únemdeý, qorshaǵan ortany qorǵaý men jańa tehnologııalardy engizýde, qondyrǵylardy qaýipsiz paıdalaný, tehnıkalyq qyzmet kórsetý men birlesken jobalar jasaqtaýǵa baǵyttalǵan.

Taraptar jańa tehnologııalardy birlesip jasaqtaý salasynda, óndiristi utymdastyrý ıdesymen bólisý, ónimder sapasyn arttyrý men ekologııalyq ahýaldy jaqsartý, «Internet+Ónerkásip» jáne SMART-zavodtardy engizý tujyrymdamasyn jasamaq.