Atyraý MÓZ-da hosh ıisti kómirsýtekter kesheni 2014 jyldyń ekinshi jarty jyldyǵynda jumys jasaı bastaıdy - MGM

ASTANA. QazAqparat - Atyraý munaı óńdeý zaýytynda (MÓZ) hosh ıisti kómirsýtekter kesheni úshin barlyq qajetti qural-jabdyqtar jetkizildi, kásiporyn 2014 jyldyń ekinshi jarty jyldyǵynda jumys jasaı bastaıdy, dep habarlady búgin QR munaı jáne gaz mınıstri Uzaqbaı Qarabalın QR Parlamenti Májilisinde ótken Úkimet saǵatynda.

Bul týraly www.primeminister.kz saıtynda habarlandy.

«Atyraýdaǵy hosh ıisti kómirsýtekter kesheni boıynsha - 2013 jyly negizgi tehnologııalyq qural-jabdyq 100% jetkizilgen, qurylys-jóndeý jumystary júrgizilýde. Jobany iske qosý 2014 jyldyń ekinshi jarty jyldyǵynda kútilýde», - dedi U. Qarabalın. Ol sondaı-aq 2016 jyly júzege asyrylýy tıis joba Atyraý MÓZ-da munaıdy tereń qaıta óńdeý kesheni boıynsha qazirgi ýaqytta «Sınopek ınjınırıng» (QHR), «Marýbenı» (Japonııa) jáne «QazStroıServıs» quramyndaǵy konsortsıým kelisim-shart boıynsha jumys jasaı bastaǵanyn habarlady. MGM málimetinshe, Pavlodar munaı-hımııa zaýytyn jańartý jobasy boıynsha Rominserv kompanııasymen jumystardyń birinshi kezeńine kelisim-shart jasalǵan, jobany qarjylandyrýdy uıymdastyrý jalǵasýda. Shymkent MÓZ boıynsha jobany jedel júzege asyrý strategııasy maquldandy, bas merdigerdi tańdaý jáne qarjylandyrý shemasy boıynsha sheshim qabyldandy, sondaı-aq qurylys jumystary bastaldy. «Qazaqstandyq úsh MÓZ-di jańartý protsesi 2016 jyly aıaqtalady. Nátıjesinde 2017-2022 jyldary respýblıka Evro-4 jáne Evro-5 standarttary boıynsha benzınmen, dızel otynymen jáne avıakerosınmen tolyqtaı qamtylady», - dep tolyqtyrdy U. Qarabalın. Pavlodar munaı-hımııa zaýytyn (PMHZ) jáne Shymkent MÓZ-di jańartýdyń tehnıkalyq jobalaryn ázirleýge kelisim-sharttardy Technip SA frantsýz kompanııasy oryndady.