Atyraý MÓZ bıyl 3,5 mln tonna munaı óńdedi

ATYRAÝ. QazAqparat - Atyraý munaı óńdeý zaýyty segiz aıdyń ishinde 3 mıllıon 502 myń 907 tonna munaı óńdedi, dep habarlaıdy QazAqparat.

«Energetıka mınıstrliginiń jospary 100% oryndaldy. Tek tamyz aıynda ǵana 457 936 tonna shıki munaı óńdeldi. Jalpy óńdelgen shıkizattaǵy ashyq tústi munaı ónimderiniń úlesi tamyz aıyndaǵy jospar boıynsha 70,1% bolýy kerek bolsa, naqty ónim 70,7% jetti. ıAǵnı 8 aılyq jospar 100% júzege asyryldy», - dep habarlady Atyraý MÓZ.

Eske sala ketsek, byltyr Atyraý munaı óńdeý zaýyty jyl boıynsha 4,7 mln tonna munaı óńdegen bolatyn.