Atyraý kóshelerinen 300 tonna qar shyǵaryldy

ATYRAÝ. QazAqparat – Atyraý kóshelerinen 300 tonna qar jınalyp, qala syrtyna shyǵaryldy. Qar tazalaý jumystary jalǵasýda, dep habarlaıdy QazAqparat tilshisi.

«18 qańtarda qala kóshelerin tazalaý jumystaryna 350 jumysshy men 20 arnaıy tehnıka jumyldyryldy. Jumys tún ortasyna deıin sozylyp, búgin tańerteń qaıta jalǵasty. Kóshelerde qar jınaý men ony shyǵarýǵa 42 arnaıy tehnıka tartyldy», - dep málim etti qalalyq ákimdiktiń baspasóz qyzmetinde.

Buǵan deıin habarlanǵandaı, Atyraýda senbi kúni tańerteń qalyń qar jaýyp, kúni boıy toqtamady. Qysqy maýsymda alǵash ret qar tazalaý tehnıkalary men «Spetsavtobaza» jumysshylary kóshege shyqty.

Tehnıkadan bólek kósheler men trotýarlardy qardan tazalaýǵa «Spetsavtobazanyń» 337 qyzmetkeri tartyldy. Tazartýdan basqa, olar qaýipti qıylystar men kópirlerdiń kire beristerine tuz eritindisin tókti.

Esterińizge sala keteıik, qalada eki aptadan beri Ortalyq kópir jabyq turǵan. Onyń jabylý sebebi jáne qansha ýaqytqa sozylatyndyǵy ázirge belgisiz bolyp otyr.

Avtor:

A. Sokolov